Еңбекақы төлеудегі кемсітушілікті жою

ЕҚДБ аудиті барысында ұқсас инженерлік лауазымдарда жұмыс істейтін экспаттар мен жергілікті мамандардың базалық еңбекақылары арасында негізсіз айырмашылық анықталды. Қолданыстағы еңбекақы төлеу жүйесі сыйақы мөлшеріндегі айырмашылықтарды қызметкердің біліктілігімен, тәжірибесімен немесе лауазым талаптарымен объективті түрде негіздеуге мүмкіндік бермеді. Нәтижесінде «тең еңбекке — тең ақы» (Equal Pay for Equal Work) қағидатының бұзылғаны тіркелді.

Біздің команда лауазымдарды грейдингтен өткізіп, компенсациялар мен жеңілдіктер (Compensation & Benefits) құрылымына кешенді аудит жүргізді. Кәсіби тәжірибе, жауапкершілік деңгейі, тілдерді білу, халықаралық сертификаттардың болуы және әрбір лауазымға қойылатын басқа да объективті талаптарды ескеретін ашық біліктілік матрицасы әзірленді. Оның негізінде лауазымдық нұсқаулықтар қайта әзірленіп, лауазымдық еңбекақы жүйесі түзетілді.

Нәтижесінде компания жаңа еңбекақы төлеу жүйесі мен жаңартылған штат кестесін енгізді. Жаңа жүйеде сыйақы мөлшері қызметкердің шығу тегіне немесе экспат мәртебесіне емес, лауазымға қойылатын объективті талаптар мен маманның біліктілігіне негізделеді. ЕҚДБ жаңартылған еңбекақы төлеу жүйесін ашық, әділ және кемсітушіліксіз деп таныды.